Kanunay’ng abli ang kasingkasing ni sexy actress-vlogger Ivana Alawi ngadto sa mga lalaki nga gusto maninguha sa iyang tam-is nga gugma.
Kini human angkona sa dalaga nga pirmi ug andam siya pagdawat ngadto sa mga lalaki nga adunay interes kaniya nga ika-date.
Apan miklaro kini nga gusto niya nga ang mga lalaki nga mangulitawo kaniya dili mga artista.
Dili usab siya intresado sa mga politikoo apan sa non-showbiz personalities.
Kinahanglan usab nga dili batan-on kaayo kay mas gusto niya nga matured ikahinabi ang tinguha niya ikauban sa kinabuhi.
Siya miingon nga andam na kining subli mosulod sa gugma apan kinahanglang dili kadtong kalalakihan nga puno sa pagka-bakakon ug pagka-dokirok.
Si Ivana ang usa sa mga artista nga gipantansiya sa daghang kalalakihan tungod sa kutis ug ka seksi niini.
