Gipa-ambit ni Senador Robin Padilla ang iyang pagbisita sa haya ni anhing Ateneo Blue Eagles basketball star, Rene Baterbonia, sa Arlington Memorial Chapels and Crematory sa Quezon City.
Sa iyang facebook post, niadtong Hunyo 11, makita nga gipasul-ob kaniya ang basketball jersey sa 19-anyos nga atleta, nga gihatag sa inahan niini agig pasidungog.
Si Baterbonia usa sa mga namatay sa insidente sa pagkalumos nga nahitabo sa usa ka baybayon sa Aurora atol sa team-building activity ug training uban sa Nigerian student-athlete nga si Divine Adili.
Kauban sa mga hulagway ang mensahe ni Padilla nga nag-ingon “The world was his, but gone too soon!”
Sa laing hulagway nga iyang gipakita, makit-an usab ang pag-fist bump sa senador nga iladong trademark ni kanhi Presidente Rodrigo Duterte.
