Gibasol ni kanhi Senador Alan Peter Cayetano ang K-12 Program sa gobyerno kay tungod niini misaka ang krimen sa mga eskwelahan.
Timailhan niini ang half-day na lang ang mga klase.
Nagtoo si Cayetano nga mas daghan pa ang oras sa mga bata nga mag-social media o magbuhat ug mga butang nga dili angay buhaton.
Kaduha, iyang gibasol ang gi-ingon pag-normalize sa paggamit ug illegal na droga.
Iyang giingon nga layo ra kaayo ni sa panahon ni kanhi Presidente Rodrigo Duterte kung diin aduna’y giyerang kontra droga.
Kaniadto, mas nabantayan ang mga lugar nga daghan ug droga o mga drug pushers, apan karon layo ra kaayo kung itandi.
