CAGAYAN DE ORO CITY, Philippines – Gikompirmar ni Russian President Vladimir Putin ang labing lab-as nga opensiba sa 17 ka managlaghing syudad sa Ukraine, kagahapon.
Gitin-aw ni Putin nga kini maoy balos nila sa gobyerno sa Ukraine nga migamit sa MGM-140 Army Tactical Missile System – ATACMS gikan sa Amerika ug mitarget sa tolo ka mga lugar sa Russia sa miaging mga semana.
Dul-an 200 ka mga missiles ug attack drones ang mibungkag sa energy facility sa Odesa, Kharkhiv, Donetsk, Dnipropetrovsk, Sumy ug syudad sa Lutsk.
Kapin usa ka milyon ka mga pamilya, ug mga patigayon ang walay sugang dagitab, dungan sa paghagba sa temperature sa tibook nasud, alayon sa pagsulod sa winter.
Miresulta ang atake sa kapin 20 ka tawong samaran ug usa ang namatay. Ning tuiga, kini na ang ika-11 nga atake sa Russia nga mitarget sa mga energy facilities sa Ukraine.
