CAGAYAN DE ORO CITY, Philippines – Sayo pa sa buntag, mas una nakabotar si Republican Presidential Nominee Donald Trump, itandi kang Democrat Presidential Nominee Kamala Harris.
Kuyog ni Trump ang iyang kapikas, sa pagbotar, sa hapsay ug mingaw nga polling area sa Palm Beach, Florida, bandang alas 10 sa buntag, oras didto sa Amerika.
Makita sa palibot nga mingaw ug halos wala pay mga tawo sa polling site.
Sa paggawas ni Trump sa voting precinct, gilayon kining midawat sa media interview.
Partikular nga gikondinar ni Trump ang resulta sa ‘early voting’ ug ‘mail-in-ballots’.
Namugos si Trump nga nabalot sa lapad nga tikas ang duha ka proseso sa pagbotar, busa nanawagan siya sa iyang mga supporters nga mugawas na sa ilang mga puy-anan aron magbotar.
Una niini, hugot nga gipakigbatokan sa mga kapulisan sa pito sa battleground states ang mga fake news kalabot sa posibleng mu-ulbo nga kagubot kun ugaling mapildi si Trump sa piliay.
