CAGAYAN DE ORO CITY, Philippines – Nagtagbo na sila US Presidente Donald Trump ug United Kingdom Prime Minister Keir Starmer sa Oval Office sa White House.
Gihisgutan sa duruha ang garantiya sa ihatag nga seguridad sa gobyerno sa Ukraine sa gi-preparar nga Peace Negotiation sa Amerika tali sa kadagkuan sa Russia.
Sa pagsugod sa pulong, direkta nga gipangutana ni Starmer kang Trump kung maseguro ba ang kalinaw sa gubot mga mga nasud.
Hinoon, positibo kining gidawat ni Trump ug mitubag nga buhaton sa iyang administrasyon ang tanan lakang aron masulbad na ang tolo ka tuig nga bangi sa gobyerno ni Russian President Vladimir Putin ug Ukraines President Volodymyr Zelenskyy.
Una nang namahayag si Trump nga wala siya ganahi sa mga nasud nga naglangkob sa European Union tungod kay ang pagtukod niini, tataw nga himoong kaatbang sa Estadus Unidos sa tanan aspeto.
Mahinumduman nga wala nay labot sa EU ang United Kingdom human mahitabo ang Brexit Referendum tuig 2016.
