Gisugyot ni Akbayan Representative Chel Diokno ngadto kang Presidente Ferdinand Marcos Jr. nga hatagan sa pagtagad sa iyang umaabot nga ika-upat nga State of the Nation Address (SONA) karong Hulyo ang nagkagrabe nga krisis sa sistema sa hustisya sa nasod.
Tungod niini, gidumalaan sa magbabalaod ang House Bill 7305 aron tukuron ang “Justice System Review Commission” nga maoy mosusi sa law enforcement, prosecution, mga prisohan, ug legal nga tabang sa komunidad.
Tumong sa maong komisyon nga mapaspasan ang mga kaso, mapaminusan ang paghuot sa mga prisohan, ug mapalapdan ang libreng serbisyo sa abogado ilabi na para sa mga kabos.
Sumala pa ni Diokno, dugay nang napasagdan ang sistema sa hustisya ug kinahanglan na kini og dinaliang reporma kay ang kahuyang niini makaapekto usab sa pagsulod sa mga langyaw nga negosyante o ‘foreign investors’ sa Pilipinas
