Miingon si Bombo Herman Basbaño, ang kadaugan sa BOMBO RADYO PHILIPPINES, isip BEST RADIO NETWORK sa Pro Patria Journalism Awards nga gihatag sa Rotary Club of Manila nagdala sa kahulugan nga mas lawom itande dungog lamang.
Ang “Pro Patria” — nga nagpasabot nga Alang sa Nasud — nagapahinumdom kanamo, ilabi na sa BOMBO RADYO PHILIPPINES, nga ang journalism dili lang usa ka propesyon.
Kini usa ka serbisyo publiko.
Kini usa ka pagpanalipod sa kamatuoran.
Kini usa ka komitment sa demokrasya ug sa katawhang Pilipino.
Dugtong niini, miingon usab si Basbaño nga sulod sa kapin unom ka dekada sukad sa pagtukod sa niadtong Hulyo 6, 1966, ang Bombo Radyo Philippines nahimong kasaligan nga kauban sa mga Pilipino sa panahon sa kalampusan, krisis, ug kausaban.
Nakahatag kini coverage sa mga eleksyon, katalagman, sosyal nga isyu, ug adlaw-adlaw nga mga sugilanon gikan sa mga komunidad nga gialagaran sa tibuok nasud.
Sa panahon sa Martial Law, ang Bombo Radyo Philippines mao ra ang provincial radio network nga nakahatag sa balita diretso gikan sa Malacañang ug Metro Manila ngadto sa mga audience sa mga probinsya.
Ang misyon niini kanunay nga klaro: maghatag og tinuod nga impormasyon, magreport nga walay kahadlok, ug magserbisyo nga responsable.
