Kusog ang pagduda ni kanhi Senadora Leila de Lima nga ang kampo ni Vice President Sara Duterte mao ang nagpaluyo sa pagpagawas sa 18 kanhi Marines, aron ilihay ang issue sa iyang impeachment, ug makapalig-on sa ilang ebidensya sa kasong gi-atubang sa iyang amahan sa International Criminal Court.
Gihimo ni Mamamayang Liberal Partylist Representative Leila de Lima ang pahayag, human iyang gisegundahan ang pagduda ni kanhi Senador Antonio Trillanes IVB nga posibleng ang Duterte Camp ang nagpaluyo sa pagdaut sa iyang ngalan nga usa sa nakadawat sa maleta, lakip na si Trillanes ug mga representante sa ICC.
Namugos si de Lima nga kini nga taktika tataw nga gusto nilang ilikay ang publiko sa tinood nga isyu nga mudoot kanila sa ilang tagsa-tagsa ka kaso.
Unang mamahayag ang magbabalaod nga ang oras ug pamaagi sa pagpresentar sa joint affidavit nagpakita sa political maneuver inay mubuhat sa lehitimong legal nga lakang.
Kini ang rason nga gi-uyunan ni de Lima si Trillanes sa iyang pagduda ug gisuportahan ang kasong iyang gisang-at batok sa mga kanhi sundalo nga mitumo-tumo kaniya.
