CAGAYAN DE ORO CITY – Gipanguluhan sa kanhi tigpamaba sa 4th ID’s Division of Public Affairs Office o DPAO ang 403rd Brigade Philippine Army sa syudad sa Malaybalay,Bukidnon.
Kini human tahasi sa liderato sa Philippine Army ang beteranong opisyal nga si Col. Leo Bongosia nga ipadayon ang nasugdan nga mga programa sa maong brigada nga ulahing gipanguluhan ni 4ID commanding general Major Gen Michele Anayron Jr.
Sa wala pa hingpit milingkod isip commander si Bongasia sa maong unit sa 4ID, gitahasan una si Col. Antonio Dulnuan nga magsilbing officer-in-charge aron dili mabakante ang katungdanan nga kanhi gihuptan ni Anayron.
Si Bongasia ang nadestino na sa daghang units sa Philippine Army palibot sa nasud ug usa niini ang pagsilbing kanhi tigpamaba sa 4ID sa milabay’ng mga katuigan.
Maoy bug-at nga mensahe sa opisyal nga angayang magmatngon ang kasundaluhan nga kanunay sundon ang kasuguan sa batakang balaod ug dili magpadala sa presyur ug kagubot sa politika.
Hisayrang si Dulnuhan ang bag-o na usab nga kumander sa 401st Infantry Brigade nga nakabase sa Camp Datu Lipis Makapandong sa Prosperidad,Agusan del Sur.
