Nakadawat usab sa pagsaway ug gihatagan lamang sa labing ubos nga grado ni Atty. Angel Lim, ang pormal nga Provincial Administrator, ang bag-ohay pa lamang nga State of the Nation Address (SONA) ni Presidente Ferdinand Marcos Jr., pinaagi sa pag-ingon nga halos wala kini napalit o kapuslanan alang sa katawhan.
Gipahayag ni Lim nga pulos lamang pagpauyon-uyon ug pamasin ang nadungog sa maong pamulong diin gipanggukod ug gipangbalanggo pa gani ang mga indibidwal nga nagsuway sa pagpadayag ug pag-imbestigar sa mga iskandalo sa flood control ug nagakahitabong korapsyon sa nasud.
Bahin sa pamunoan, gipmugos sa abogado nga walay gihimong direktang aksyon ang pamunoan aron masulbad ang pagsaka sa presyo sa mga batakang palaliton ug sa presyo sa lana nga karon naghatag og dakong kalisod sa matag adlaw nga kinabuhi sa mga ordinaryong lungsanon.
Tungod niini, gibati ni Lim ang dakong kalooy alang sa katawhan tungod kay gibati niya nga sa kasamtangan walay gobyerno nga tinud-anong nagabarog ug nagalaban sa ilang katungod ug kaayohan.
Kining maong mga pasangil nagpakita sa padayong pagkadiskontento ug kakulang sa pagsalig sa mga lungsanon ngadto sa direksyon sa kasamtangang pamunoan.
Sa katapusan, nagpaabot ang kadaghanan sa gipaabot nga mas konkretong aksyon gikan sa gobyerno aron mahatagan sa tubag ang padayong pagtaas sa presyo sa mga palaliton ug ang krisis sa ekonomiya
