Gipasigarbo ni Police Regional Office 10 (PRO-10) Regional Director PBGEN Christopher Abrahano ang dugang nga mga nakab-ot nga kalampusan sa ilang kampanya batok sa illegal gambling ug sa pagsumpo sa mga wanted persons sa rehiyon.
Sa ilang operasyon batok sa sugal, nakapahigayon ang kapolisan sa 319 ka mga operasyon diin 511 ka indibidwal ang nadakpan ug sobra sa ₱194,000 nga bet money ang nasakmit.
Gawas niini, moabot sa 1,715 ka mga wanted persons ang nadakpan sa kapolisan, lakip na ang 320 sa giisip nga most wanted persons sa Amihanang Mindanao.
Lakip sa mga nag-unang nadakpan nga adunay gipahamtang nga ganti mao si Preacher Darunday Jacob, usa ka kanhi sundalo nga gipangita tungod sa kasong kidnapping for ransom ug pagnanakaw.
Nadakpan usab sa maong operasyon si Mark Steven Freeman nga adunay warrant of arrest para sa mga kasong large-scale swindling ug syndicated estafa niadtong Marso.
Ang maong mga pagsikop nagpakita sa makanunayong dedikasyon sa PRO-10 nga silotan ang mga naglapas sa balaod ug padayong sigurohon ang kaluwasan sa tibuok rehiyon.
