Kapin sa 100 ka puy-anan ang naabtan og dakong sunog sa Krokstadelva, Drammen sa habagatan nga bahin sa Norway.
Sa maong insidente, wala hinooy natalang namatay o missing.
Paspas nga napabakwit ang mga residente samtang padayon nga gipaniguro sa mga bombero ang pagpalong sa kalayo nga gipakusog sa hangin. Labaw sa 60 ka bombero ug mga helicopter ang nagtrabaho aron mapugngan ang pagkatibulaag sa sunog.
May pipila ka minor nga kadaot ug samad sama sa usa ka bombero nga nasugatan ug usa ka residente nga nakasinati sa smoke inhalation.
Kini na ang gikonsiderar nga pinakadakong sunog nga nahitabo sa Norway.
