Padayon ang pagsaka sa ihap sa mga namatay sa nahitabong twin earthquakes sa Venezuela, diin kapin na sa 1,400 ka mga tawo ang nakalas.
Nagpadayon usab ang hugot nga search and rescue operations sa mga coastal areas sa nasod bisan pa sa grabeng kadaot sa mga imprastraktura ug sa limitado nga komunikasyon.
Nag-abot na usab ang mga foreign rescue teams sa mga labing grabeng naigo nga mga lugar aron motabang sa pagpangita ug pagluwas sa mga survivor nga natanggong sa ilawom sa mga nangarumpag nga mga edipisyo.
Bisan pa sa padayon nga pag-abot sa internasyonal nga tabang, nagpabiling kritikal ang sitwasyon tungod kay liboan pa ka mga tawo ang wala gihapoy makit-i, samtang nagkagrabe usab ang kakulang sa tubig, kuryente, pagkaon, ug uban pang batakang serbisyo sa mga apektadong komunidad.
Padayon ang pagmonitor sa mga otoridad sa kahimtang samtang gipalapdan pa ang rescue ug relief operations aron maabot ang tanang apektadong lugar. (jane abulag)
