Mokabat sa kapin 33 porsyento sa suplay sa tubig sa Johannesburg ang mawala kada adlaw, o gibana-banang 655 milyon ka litro, tungod sa mga burst pipe ug nagkatigulang ug daot nga imprastruktura.
Tungod niini, pipila ka mga lugar sa siyudad ang kanunay nga nakasinati og kawalay tubig, diin ang ubang residente napugos sa pagsalig sa mga water tanker alang sa ilang suplay.
Samtang naglisod ang mga komunidad sa pagkuha og tubig, mas daghang adunahang residente ang nagpa-drill og mga borehole ug nagbutang og kaugalingon nilang water systems aron malikayan ang pagsalig sa municipal water supply.
Giila sa Johannesburg Water nga tigulang na ang daghang bahin sa water infrastructure sa siyudad, diin ang ubang tubo kapin na sa 50 ka tuig ang edad. (jane abulag)
