Niabot na sa 1,002 ang bata nga nakabsan og kinabuhi ug kapin 187,000 na ihap sa nagkasakit tungod sa pinakadakong outbreak sa nasud sa Bangladesh.
Sumala sa US Centers for Disease Control and Prevention (CDC), ang maong nasud sa kasamtangan ang adunay pinakadakong pagkaylap sa tipdas sa tibuok kalibutan.
Nahitabo ang maong krisis rtungod sa kakulangan sa bakuna nga resulta sa pagbag-o bag-o sa palisiya ug kagubot sa pulitika niadtong tuig sa 2024 ug 2025.
Bisan pa man nga adunay 18 ka milyong bata nga nabakunahan sa emergency drive niadtong bulan sa Abril, apan gibana-banang upat ka milyon pa ka bata ang wala pa naabot sa maong emergency drive.
Samot nga galisud ang mga balay tambalanan sa maong nasud kay dungan pud nilang giatubang ang pagdaghan sa kaso sa dengue ug sa kasamtangan, padayon pa gihapong gapangita ang mga health team sa mga batang wala pa mabakunahi aron maminusan ang ihap sa mga makabsan og kinabuhi. (raniel manhunyag)
