Kapin sa 100 ka mga tawo ang gipang-detain sa Ankara, Turkey human sa usa ka anti-NATO protest march nga giorganisa sa Communist Party of Turkey kagahapong adlawa.
Gihimo ang maong protesta isip pagsupak sa NATO Summit nga pagatambongan sa mga lider sa 32 ka miyembrong nasud sa alyansa karong Hulyo 7 ug 8.
Atol sa protesta, gigamit sa riot police ang tear gas aron pangbungkagon ang mga nagprotesta samtang gipatuman sa mga otoridad ang hugot nga seguridad sa siyudad.
Gipahigayon ang maong mga lakang isip kabahin sa seguridad alang sa summit. Sa pagkakaron, wala pa mopagawas og opisyal nga pahayag ang gobyerno sa Turkey bahin sa pagdetine sa kapin sa 100 ka mga nagprotesta.
