Emosyonal si Barangay 30 Chairwoman Cecille Dap-og sa sunog nga mi-igo ubos sa iyang hurisdiksyon, kaganina sa buntag.
Sa exclusive interview sa BOMBO RADYO, nanawagan ang kapitana sa dinaliang tabang-ayuda alang sa mga nasunugan nga mga tagbalay ug nga boarders.
Mi-angkon si Dap-og nga labihan ka lisud ang iyang gibati tungod kay niadto, usa usab siya sa mga nasunugan.
Sa pagkakaron, nagpadayon pa ang pag-ihap sa mga pamilya ug boarders nga naapektuhan pinaagi sa pagpatuyok sa ilang Barangay Nutrition Scholar (BNS) tungod kay daghang indibidwal ang gatapok sa usa ka balay.
Bisan pa man kon adunay mga naapektuhan nga dili residente sa maong dapit, gipasalig sa punong barangay nga akomodaron ug hatagan gihapon sila sa hinabang tungod kay kinahanglan gayud nilang suportahan ang matag usa sa panahong sama niini.
