Gikwestyon ni Atty. Lorna Kapunan ang paggamit ni Defense Lawyer Kristine Ferrer sa Section 34 sa National Internal Revenue Code o NIRC isip basehan sa iyang pagpangutana sa COA State Auditor nga si Xylene Del Campo.
Giingon ni Kapunan nga ang maong probisyon may kalabotan sa mga lagda sa buhis, ilabi na sa mga allowable deductions alang sa taxpayer.
Matud niya, wala niya makita ang direktang kalambigitan niini sa pagdumala ug paggamit sa confidential funds sa Office of the Vice President o OVP ug Department of Education o DepEd.
Tungod niini, gikwestyon ni Kapunan ang kalabutan sa Section 34 sa mga pangutana ni Ferrer ngadto sa testigo. Ang maong diskusyon nahitabo atol sa impeachment trial ni Vice President Sara Duterte. (jane abulag)
