Nag-viral pag-usab online ang karaang vlog ni Mariel Rodriguez- Padilla niadtong 2022, diin gihisgutan niya ang mga kwalipikasyon sa iyang bana nga si Senator Robin Padilla sa dihang kandidato pa kini sa pagka-senador.
Gipangutana ug gisaway pag-usab online ang maong video, nga giingong gigamit aron ilihis ang atensyon gikan sa ubang importanteng isyu.
Sa iyang Facebook post niadtong Domingo, Agosto 9, nanawagan si Padilla sa mga naghisgot sa maong vlog nga ipunting hinuon ang ilang atensyon sa mga kasamtangang isyu, lakip na ang pagbaha.
Matud sa senador, dili angay nga himuong sentro sa diskusyon ang karaang vlog ni Mariel samtang adunay mga lugar nga nag-atubang sa pagbaha.
Gihangyo usab niya ang publiko nga mas tutokan ang mga kasamtangang problema kaysa sa paghisgot pag-usab sa karaang video. (JANE ABULAG)
