GITIN-AW sa lokal nga historyador nga si Nanette Roa ang kahulogan sa mga monumento nga nahimutang sa Divisoria sa Cagayan de Oro.
Sa exclusive interview sa BOMBO RADYO, iyang gihisgotan nga kapin sa 20 ka mga natala nga bukog sa mga sundalong nakigbatok sa Battle of Agusan ang gipabalhin ug gipalubong ni kanhi Mayor Apolinar Velez sa maong lugar noong 1930.
Gipasabot usab sa opisyal nga ang maong estruktura nagdala sa dedikasyon nga “El Pueblo A Sus Heroes” alang sa tinuod nga paghandom sa sakripisyo sa mga bayani.
Gibutyag sa eksperto sa lokal nga kasaysayan ning syudad nga makita sa maong pampublikong dapit ang bantayog nga gidisenyo alang sa paghandom kanhi Mayor Justiniano Borja.
Nagpabilin usab nga dakong bahin sa garbo sa siyudad ang mga gihimong obra sa sikat nga National Artist nga si Napoleon Abueva.
Nagpabilin ang Divisoria nga usa sa pinakamahinungdanong sentro sa kasaysayan, kultura, ug pagdumala sa tibuok rehiyon sa niadtong Cagayan de Misamis. —
