Adunay manubag ug posibleng makasuhan sa kasong kriminal kung madungog sa tukmang panahon ang kaso nga gipasaka ni Atty Mans Carpio ang kapikas ni Vice President Sara Duterte.
Namugos si Atty Raymund Batu, Legal counsel sa DDS SARA FOR ALL CONFEDERATION nga sigurado adunay makombikto ug mapriso sa hiwi nga hinimoan sa komitiba sa hustisya isip mga respondents sa kaso.
Subay sa opinion ni Atty Batu, mas maayo kung dunggon ang kaso sa panahon nga wala nay mga bayas mga presyur sa palibot, kay kung dunggon karon, sigurado nga mapakilid lang kini.
Apan gitataw ni Batu nga dakung kasupakan sa data privacy act ang pagpalugwa sa komitiba “on public hearing, ug live broadcast” ang Statement of Liabilities and Networth (SALN).
Nagtoo ang baga nga ihap sa mga abogado nga ang pag expose sa SALN sa magtiayon kabahin lang sa fishing expedition sa komitiba ug nagpahimulos sa higayon nga ilang malaglag ang bise human nila gipabati sa publiko nga silang magtiayon adunay ilegal nga mga binuhatan ug adunay gipangtago nga bahandi.
Hugot nga gibarugan ni Atty Batu nga walay katungod ang Anti Money Laundering Council (AMLC) nga iyagyag sa publiko ang joint accounts sa magtiayon ilabe na nga walay labot sa impeachment case ang kapikas ni VP Sara.
