Kinahanglan makapagawas sa lig-ong ebidensya ang prosekusyon aron ikompirmar ang mga kasong ilang gisang-at batok kanhi Presidente Rodrigo Duterte.
Kini ang hagit ni Defense Lawyer Nicholas Kaufman sa pagpresenter sa kontra-pahayag batok Atty Joel Butuyan, Gilbert Andres, ug Paolina Massidda kinsa mipresentar sa ilang argumento nga si Duterte ang nagsugo nga pamatyon ang mga biktima gamit ang kampanya sa “war on drugs”.
Mi-ingon si Kaufman kinahanglan napakita sa prosekusyon ang ispisepikong pahayag ni Duterte nga nagmando nga sila pamatyon o direktiba ni Duterte nga pamatyon kining 78 ka mga biktima nga mireklamo batok kaniya.
Una nang namahayag sila Butuyan ug Massidda nga adunay “substantial grounds” nga si Duterte responsabli sa libuang pagpatay ug ang pagtaral kaniya sa hukmanan maoy labing tin-aw nga pamaagi aron kini malamdan ug iyang madepensahan ang iyang kaugalingon.
Hiayran nga adunay 60 ka adlaw ang mga huwes sa International Criminal Court (ICC) ayha ipagawas ang ilang desisyon kung kumpirmahon ba ang tolo ka mga kaso o ipapauli kini sa Pilipinas.
