Subli gipakita sa 13-anyos nga Pinay nga si Keirsten Fernandez ang iyang kahanas sa speed skating.
Ning adlawa, iyang nasakmit ang iyang ikaduhang gold medalas alang sa Asian Open Short Track Speed Skating sa India.
Nangulo si Fernandez sa Junior C Girls’ 777-meter event human mitala sa oras nga 1:19.989, igo aron mapildi ang Australian star skater Rachel Yi Lin Tan ug uban pang mga kaatbang.
Niadtong Miyerkules, nakakuha usab si Fernandez sa gold medal sa 1,000-meter event sa susama nga age category, nga naghatag sa Pilipinas sa pinaka-unang bulawang medalya sa kasaysayan sa torneo.
Nakadugang usab sa medalya para sa nasud si Xsandrie Guimba, nga nakadaog sa silver medal sa senior women’s 1,000-meter event human mitala sa 1:52.003 nga oras. Samtang, nakakuha sa bronze medal ang 8-anyos nga si Zymone Zurbito sa Junior F Boys’ 333-meter event. Sa kinatibuk-an, umabot sa upat ka medalya ang nasungkit sa Pilipinas sa torneo.
