CAGAYAN DE ORO CITY – Gisugdan na’g han-ay sa kampo ni Carmen Punong Brgy Kikang Uy ang pagtubag batok sa petition for disqualification sa iyang kandidatura pagka-kongresista sa distrito uno ning syudad sa piliay sunod tuig.
Gikompirmar sa legal team ni Uy pinaagi ni Atty. Angie Carrasco-Geneso nga nadawat na nila ang 16 ka kopya sa moto-propio investigation sa Commission on Elections o Comelec-Law Dept kon nganong dili angay ma-disqualipikar ang ilang kliyente.
Siya miingon nga tubagon nila ang mga pasangil nga nagsumikad sa Cagayan de Oro 1st District Cong. Lordan Suan nga tipik sa gibasehan sa pagpasaka’g kaso sa Comelec kontra Kikang.
Hisayrang anaa sa sobra 8-mil gikan sa 21-mil ka bag-ong mga botante nga rehistrado sa Carmen ang giingong naka-benepisyo sa daw naghinobra nga pag-isyu ni Uy sa brgy certifications nga gi-kuwestiyon sa Comelec.
