Gipahungaw nila Vice Ganda ug Kim Chiu ang ilang pagbati taliwala sa mga reaksyon sa pipila ka fans sa dihang nalimtan sa komedyante ang paghisgot sa ngalan ni Kim sa iyang acceptance speech isip ‘Best Entertainment Host’ sa FAMAS Broadcast Awards.
Gitumbok ni Vice pinaagi sa usa ka post sa iyang account ang giingong “toxicity” sa pipila ka fans nga nagpunting sa wala niya pagmention sa aktres, samtang gipanalipdan ni Kim ang iyang mga tagasuporta, diin gipasabot niya nga resulta ra kadto sa ilang sobrang pagmahal ug pagka-protective ngadto kaniya.
Nagpahimangno usab si Vice sa iyang kaugalingong fans, nga dili gyud niya i-tolerate ang ilang bati nga pamatasan tungod ra sa sobrang pagmahal ug pagka-protective.
HIsayran nga taliwala sa gubot sa social media, giklaro ni Vice nga maayo ang ilang relasyon ni Kim ug wala silay panagbangi. (riza budlao)
