CAGAYAN DE ORO CITY – Namugos si City Mayor Rolando ‘Klarex’ Uy nga natuman na niini ang iyang saad nga mahatag ngadto sa mga opisyal ug city hall employees ang ilang mga bonus.
Kini human isaysay sa mayor nga gipapasan niya kang City Treasurer Jasmin Maagad ang payroll processing sa mga bonus aron gilayong mahulog sa ATM account sa mga empleyado.
Siya miingon nga sukwahi sa mga batikos batok kaniya, gipasiguro niini kang Maagad nga makuha sa casual ug regular employees ang Personnel Motivation Incentive ingon man Productivity Enhancement Incentive alang sa job orders.
Gibutyag sa mayor nga anaa sa usa ka bulan nga suhulan ang madawat sa casual ug regular workers samtang 5-mil ngadto 15-mil usab ang extra service bonus sa job orders.
Gawas pa niini, nadawat na usab sa mga kawani sa city hall ang ilang sweldo nga balor usa ka bulan, lakip tag-usa ka sako sa 50 kilos nga bugas.
