CAGAYAN DE ORO CITY – Mi-apelar si City Mayor Rolando ‘Klarex’ Uy sa katawhan ug tanang stakeholders nga makighiusa sa direksyon nga gustong kab-uton sa dakbayan nga magamit alang sa mga umaabot nga panahon.
Kini samtang anaa sa puno nga aktibidad ang syudad alayon sa nagkaduol nga kapistahan sa dakbayan sa Agosto 28.
Namahayag si Mayor Klarex nga mas mapasayon ang pagkab-ot sa dugang paglambo sa ekonomiya ug panarabaho sa katawhan kon dunay hiniusa ang direksyon alang niini.
Anaa sa 12 ka core events;8 major events;10 minor events;14 parallel events ug 5 special events ang ipatuman sa dakbayan sa kapistahan ning tuiga.
Gihinaut sa mayor nga maghatag sa dugang kaugmaran ang kasaulugan sa kapistahan sa patron Sr San Agustin sa syudad sa Agosto 28 ning tuiga.
Kini ang panghinaut sa mayor dungan sa pagsugod na sa mga aktibidad padulong sa kapistahan sa dakbayan nga gisapnay sa 2024 Higalaay Festival.
Miingon si Uy nga unta pinaagi sa pagsilbing pagkama-higalaon sa katawhan, mo-resulta usab kini sa dugang dagkong mga pamuhunan nga makahatag sa daghang trabaho alang sa mismong mga namuyo niini sa dakbayan.
Hisayrang migasto sa sobra 24 milyones pesos ang dakbayan alayon sa tanang kalihukan nga gipaluyuhan sa city govt ning tuiga.
