Gipamugos ni Tita Hadman sa Kilusang Mayo Uno o KMU-Northern Mindanao nga dili pa tinuod nga gawasnon ang ekonomiya sa Pilipinas. \
Kini tungod kay nagsalig gihapon ang nasod sa mga langyaw para sa uban natong mga nag-unang panginahanglan.
Gigapos sa kontrol sa gawas ang lokal nga merkado hinungdan nga dili nato mamugna ang kaugalingon natong mga produkto.
Gisaway usab nila ang kakuwang sa seryosong lakang sa gobyerno nga ipatuman ang “national industrialization” sa nasod.
Miingon si Hadman nga kung kita mismo ang mag-produce sa atong mga kinahanglanon, mas molambo ang Pilipinas gamit ang kaugalingong bahandi.
