Human sa 53 ka tuig nga paghulat, opisyal nang gisakmit sa New York Knicks ang titulo isip bag-ong NBA CHAMPIONS human ilang gipildi ang San Antonio Spurs sa Game 5, 94-90, karong adlawa.
Gidominar sa Knicks ang finals series sa score nga 4-1, nga gitiman-an sa usa ka historic 45-point performance gikan sa ilang star point guard nga si Jalen Brunson.
Kini nga kadaugan maoy nagtapos sa labing dugay nga title drought sa ilang prangkisa, nga naghatag og katumanan sa dugay na nilang gipangandoy nga kampyonato.
Nailhan ang Knicks niining postseason isip ‘Comeback Kings’ tungod sa ilang sunod-sunod nga pagbawi gikan sa dako nga biya sa score, lakip na ang ilang makasaysayanong rally sa Game 4.
Kini nga kampyonato nagmarka sa pagbalik sa New York sa kinatumyan sa kalibutan sa basketball, nga naghatag og bag-ong dungog sa ilang dakbayan. (JANE ABULAG)
