CAGAYAN DE ORO CITY – Dili mahurot ang mga miembro ug sympathizers sa New Peoples Army kon padayon silang suportahan sa mga leftist group nga anaa nanarbaho sa gobyerno sama sa ilang legal fronts.
Nagtoo si PRO-10 spokesperson Police Lt. Col. Mardi Hortillosa nga kusog mulingla sa katawhan ang mga sakop sa NPA tungod kay mao man kini ang ilang panginabuhian.
Gipuy-an sa mga komonista ang kinabuhing pangilkil, mupatay ug mugubot sa kasamtangang demokrasya sa nasud.
Gumikan niini, gi-awhag sa PRO-10 ang tanan residente sa Northern Mindanao nga mas tabangan ug musalig sa gobyerno inay bahugan ang mga rebeldeng pundok.
