Pormal nang gi-anunsyo ni City Mayor Rolando Klarex Uy ang pagbalik normal sa operasyon sulod sa City Hall.
Gihimo sa mayor ang abiso sa unang adlaw sa bulan sa Hunyo, atol sa flag raising ceremony.
Miingon si Uy nga gibalik niya ang alas-8 sa buntag hangtud sa alas 5 sa hapon nga operasyon, gikan Lunes paingon sa Biyernes kay wala na may nagbagutbot sa krisis sa lana.
Usa usab sa iyang gikonsiderar mao ang hangyo sa mga empleyado sa City Hall nga makagahim silag oras nga makuha nila ang ilang anak atol sa pagpamauli, human sa ilang duty, ug pagtahud sa ilang tunghaan matag adlaw, sa dili pa ang ilang opisyal nga duty hours sa opisina.
Gawas niini, gisibog usab sa mayor ang peoples day gikan sa Miyerkules ngadto sa Huwebes kada unang semana sa bulan tungod sa seminar nga ipahigayon sa Commission on Audit (COA).
