Mupahigayon sa extraordinary virtual meeting ang East African Community (EAC) alang sa mga health ministers gikan Hunyo 1 hangtod 2 aron makoordinar sa regional response batok sa Ebola outbreak nga nakaapekto sa pipila ka bahin sa East Africa.
Ang miting mutotok sa mga estratehiya aron makontrol ang outbreak ngada;a sa talagsapng strain sa Bundibugyo sa Ebola virus.
Hangtud karon , nga wala pa’y gi-aprobahan nga bakuna o espisipiko nga pamaagi sa pagtambal sa Ebola.
Hisayran nga ang high-level session maoy kabahin sa hinanaling nga paningkamot sa mga eksperto tungod sa paspas nga kuyanap sa outbreak nga natala sa Democratic Republic of the Congo (DRC) ug Uganda, ilabi na sa Ituri Province nga iladong high-mobility area o taas ang risgo sa paspas nga tinakdanay.
Namahayag si EAC Secretary General Stephen Mbundi nga sila nagpalig-on sa “preparedness measures” pinaagi sa surveillance, laboratory diagnostics, infection prevention ug risk communication, uban sa suporta sa Africa CDC ug WHO.
Lakip niini ang siyam ka mobile laboratories sa border points, activation sa kapin 180 rapid response experts, ug specialized training para sa health workers.
Naghatag usab ang EAC og PPE ug nagplano sa regional framework aron mapaspas ang pag-apruba sa Ebola vaccines ug diagnostics.
Ang EAC, nga naglangkob sa walo ka nasud sa East Africa lakip ang Burundi, DRC, Kenya, Rwanda, Somalia, South Sudan, Tanzania ug Uganda, nanawagan sa mga miyembro nga palig-onon ang surveillance, public awareness ug emergency preparedness.
