Balik spotlight na ang “Queen of All Media” nga si Kris Aquino pinaagi sa bag-ong collaboration sa Netflix Philippines.
Niadtong Agosto 7, gipaila siya sa Netflix isip C.H.I.K.A., o Chief Head of Insights and Kontent Analysis.
Sa maong campaign, gi-review ni Aquino ang pipila ka eksena sa mga lokal nga content sa Netflix ug naghatag og mga suhestiyon alang sa ilang pag-enhance.
Lakip sa iyang gi-review ang A Secret in Prague, Blood vs. Duty, ug The Master Cutter.
Gilangkuban sa tulo ka episodes ang maong campaign, diin ang ikaduhang episode ipagawas sa Agosto 14 ug ang ikatulo sa Agosto 20 ning tuiga. (jane abulag)
