Nagpadumdum si Vice President Sara Duterte sa katawhang Pilipinas nga ang matag piso nga gikawat gikan sa kaban sa katawhan mao usab ang pagkuha sa kagawasan sa usa ka bata gikan sa kagutom.
Tipik kini sa mensahe sa bise presidente alayon sa selebrasyon sa ika -128 nga anibersaryo sa adlaw sa Kagawasan sa Pilipinas.
Alang kang VP Sara, ang nagkawat sa kagawasan sa usa ka estudyante gikan sa pagka‑mangmang o dili maayong edukasyon, masusama sa usa ka klase sa paghikaw sa kagawasan sa usa ka pasyente nga wala makadawat sa kalidad nga pag‑atiman sa panglawas.
Sama sa pagkawat sa kagawasan sa usa ka trabahante nga wala makadawat sa husto nga panginabuhi.
Iya usab gihimong pananglitan ang mga ghost project usa ka classroom nga wala natukod isip simbolo sa pagkawat sa kagawasan sa mga Pilipino ning bag-ong henerasyon.
Siya miingon nga ang matag kurapsyon nga kontrata usa ka dalan nga wala natukod para sa mga mag-uuma nga madala ang ilang produkto sa merkado, makapaluya sa ekonomiya.
Gipamugos sa bise presidente nga ang korapsyon dili lang pagpangawat sa salapi apan, pagkawat sa oportunidad, nagkawat sa dignidad, ug nagkawat sa paglaum.
