Wala matinag ang gobyerno sa Kuwait sa tanan klase sa pagpanghulga sa Iran.
Kagahapon, gibutyag sa ilang gobyerno ang pagsanta sa ilang air defense systems sa mga drone human madungog ang mga pagbuto sa pipila ka bahin sa nasud.
Sa usa ka pamahayag nga gipost sa social media X, miingon sa General Staff sa Kuwaiti Armed Forces nga ang mga air defense units karong orasa nagatubag sa mga hulga sa drone nga makadaot.
Gipahayag sa militar nga ang mga pagbusikad nga nadungog maoy resulta sa pag-intercept sa mga hostile targets, ug gidasig ang publiko nga mosunod sa mga instruksyon sa seguridad ug kaluwasan nga gipagawas sa mga awtoridad.
Wala na kini naghatag sa detalye bahin sa gidaghanon sa mga drone, ang gigikanan niini, o kung adunay mga kaswalti ug kadaot nga nahitabo.
