Misang-at sa ilang tagsa-tagsa ka “manifestation” ang mga labor groups ubos sa Nagkaisa Labor Coalition aron suportahan ang mosyon sa Office of the Solicitor General (OSG) nga ipatuman ang ₱85 nga dugang-suhulan sa National Capital Region (NCR).
Matud pa ni Federation of Free Workers President Sonny Matula, angay lamang nga bakwion na ang Temporary Restraining Order (TRO) nga nagapugong sa maong wage hike.
Gihatagan pagtagad ni Matula nga walay hustong hurisdiksyon sa Pasig Regional Trial Court (RTC) sa paghawid sa maong kaso.
Gipasabot sa labor advocate nga kung adunay kwestyon sa NCR Wage Order No. 27, kinahanglan kini nga ipasaka sa National Wages and Productivity Commission sa sulod sa napulo ka adlaw gikan sa pagmantala niini.
Hisayran nga kun dili idiskwalipikar sa RTC ang petisyon batok sa pagtaas sa suholan, andam silang mopasaka sa maong isyu ngadto sa Korte Suprema.
