Gisaway ni Rauf Sissay gikan sa Bagong Alyansang Makabayan (BAYAN) ang gipasigarbo sa Administrasyong Marcos nga mi-angat na ang kinabuhi sa mga pinoy pinaagi sa gipagawas nga impormasyon gikan sa World Bank.
Miingon si Sissay nga kung sutaon ug analisahon pag-ayo ang maong kalamboan sa ekonomiya, ang nakabenepisyo ug nabulahan lamang niini mao ang usa ka porsiyento sa mga adunahan sa katilingban.
Giklaro ni Sissay nga ang gamay nga pundok naglangkob sa mga bilyonaryo, dagkong burge nga kumprador, ug mga multinasyonal nga korporasyon nga maoy nagkupot sa dakong bahin sa patigayon.
Ang maong kahimtang nagpadayag sa grabeng gintang taliwala sa mga adunahan ug sa kinatibuk-ang masa nga nag-antos gihapon sa kakabos sa matag adlaw.
Gumikan niini, nanawagan ang ilang grupo og dinalian ug makiangayong kausaban aron ang bunga sa ekonomiya mabati sa tibuok katawhang Pilipino.
