CAGAYAN DE ORO CITY – Dili pa luwas ang mga residente nga namuyo sa dugay’ng panahon sulod sa Camp Evangelista sa Brgy Patag ning syudad.
Kini human kompirmaha ni i 4ID demolition designate spokeperson Capt Abby Lorenzo nga dugang sobra 50 ektarya pa sa Camp Evangelista Military Reservation ang gitakdang ipaubos sa clearing operations sa illegal houses sa maong lugar.
Miingon si Lorenzo nga sobra 43 ektarya pa lang ang nakuha’g balik sa Philippine Army hinungdang naghulat pa sila dugang court orders aron mapahigayon ang laing hugna sa writ of demolition.
Sa miaging semana,sobra 600 ka puy-anan ang napaguba sa korte bisan sa pagsupak sa mga apektadong mga residente niini.
