Gihagit sa lay theologian nga si Wilson Amad ang katawhan nga magpakita sa katarong ug lig-on nga pagkahiusa aron mapalig-on ang depensa sa nasod batok sa hulga sa China.
Sa interbyu sa BOMBO RADYO siya miingo nga, bisan pa sa kakulang sa armas ug teknolohiya, ang pag-angkon sa maayong imahe sa atubangan sa international community mahimong lig-on nga panalipod batok sa mga taktika sa pagbahin-bahin sa katawhan.
Iyang giingon nga sagad nga estratehiya sa China mao ang pag-infiltrate sa mga lider pinaagi sa paghatag og kwarta aron mahuyang ang pagkahiusa sa mga Pilipino.
Sa iyang panan-aw, ang tinud-anay nga pagkahiusa ug pagpakita sa hustisya mao’y epektibong tubag sa maong hulga.
