Gihagit ni Vice President Sara Duterte ang publiko nga mangandam sa mga kalamidad nga muabot sa Pilipinas kay sama sa linog, dili kini matag-an.
Atol sa pagsaulog sa National Disaster Resilience Month, gipahimangnoan ni Duterte ang tibuok nasod nga ang pagpangandam maoy pinakakusog nga depensa batok sa mga kalamidad.
Gipahinumduman usab sa bise presidente ang mga residente nga ang mga trahedya sama sa magnitude 7.8 nga linog sa habagatang Mindanao ug ang Bagyong Inday nga adunay susamang gikusgon, miresulta sa daghang kinabuhi ang nakalas sa milabay nga mga semana ug bulan.
Iyang gihagit ang mga lokal nga kagamhanan nga hugtan ang ilusad nga preparasyon sama sa masusi nga paghiling sa mga building code, susihon ang mga evacuation center, ug ayuhon ang mga emergency protocol.
Samtang, gihangyo usab niya ang matag pamilyang Pilipino nga mag-andam sa survival kit, makigsayod sa mga ruta sa pagbakwit, ug moapil sa mga emergency drill.
Matud pa niya, kinahanglang magpabilin ang pangandam sa matag barangay, tulunghaan, negosyo, ug panimalay aron masiguro ang kaluwasan sa tanan
