CAGAYAN DE ORO CITY – Angayang panguluhan mismo sa local govt officials sa kabarangayan,mga syudad ug kalungsuran ang kampanya batok sa mga dagkong pag-ulbo sa mga sunog sa ilang tagsa-tagsa ka hurisdiksyon.
Kini ang apelar ni Fire Senior Supt Richard Arbutante,director for personnel and records mngt sa Bureau of Fire Protection -Central Office nunot sa pag-obserbar sa Fire Prevention Month ning tuiga.
Miingon si Arbutante nga dako’g ikatabang kontra mga pag-ulbo sa sunog ang pagpangunay sa LGU officials aron maikag usab ang katawhan sa pagmatngon sa kanunay.
Hisayrang sa sulod sa tuig 2024,mitala ang Northern Mindanao sa sobra libo ka sunog diin adunay kapin 200-milyones pesos ang natala nga structural damages niini.
