CAGAYAN DE ORO CITY-Ipaggawas na sa Commission on Elections o Comelec-10 ang listahan sa mga botante sa umaabot SK ug Barangay Elections sa Pebrero 13.
Si Comelec regional director Renato Magbutay miingon nga padayon pa nilang gisabutan kung aha nila ibutang ang mga listahan sa pangalan ilabina nga layo pa ang piliay.
Nabalaka si Magbutay nga panglakaton ang mga listahan nga ilang ibutang sa mga pampublikong lugar.
Una nang gibutyag ni Magbutay nga anaa na sila sa ilang preliminary preparation sa umalabot piliay.
Samtang gitin-aw ni Magbutay nga dili mandatory alang sa mga magtutudlo sa tibook syudad nga magsilbing Board of Election Inspectors o BEIs sa umaabot SK ug Barangay Elections.
Matud sa regional director nga depende na lamang sa mga magtutudlo kung mag-aplay sila pagka-BEI o dili.
Gitin-aw niini nga makadawat sa suholan nga P7,000 ang Chairman sa BEI samtang P5,000 sa magsilbing BEI’s ilabina nga nakalatid na kini sa balaod.
