CAGAYAN DE ORO CITY – Gitumbok sa kapolisan nga rebeldeng New Peoples Army o NPA ang gitoohang responsable pagpusil-patay sa 65-anyos nga lolo sa Brgy Halapitan, San Fernando, Bukidnon.
Giila ang biktima nga si Tagalog Maganyo, molopyo sa maong dapit.
Sumala sa kapolisan, mipadulong sa lasang nga bahin sa maong lugar ang biktima aron mang-hunting sa baboy-ihalas dihang kalit lamang kining gipusil sa wala mailang mga suspetsado.
Nakita na lamang sa iyang asawa ang biktima nga naligo na sa kaugalingong dugo.
Padayon pang giimbestigaran sa kapolisan ang maong hitabo.
