Mibuto ang Long March 7A rocket sa China mga 85 segundos human kini milupad gikan sa Wenchang Space Launch Site sa lalawigan sa Hainan, nga nagdala sa ChinaSat-4B nga satellite.
Gikompirmar sa Chinese state media nga napakyas ang maong misyon human makasinati og flight anomaly ang rocket, samtang padayon pa ang imbestigasyon sa eksaktong hinungdan niini.
Sumala sa space expert nga si Jonathan McDowell, nabungkag ang rocket sa medyo ubos nga altitude ug wala makasulod sa orbito ang satellite o ang debris niini.
Mipadayag usab og reaksyon si SpaceX CEO Elon Musk sa insidente pinaagi sa iyang social media, diin iyang giingon nga “Rockets are hard.” (riza budlao)
