Gipadayag ni Judy Ann Santos ang iyang dakong garbo human ginganlan nga Player of the Match ang iyang anak nga si Juan Luis “Lucho” Agoncillo atol sa usa ka internasyonal nga torneyo sa football sa Spain.
Sa iyang Instagram post, gidayeg sa aktres ang dedikasyon sa iyang anak ug gipahibalo nga nakaabot ang ilang koponan sa ika-16 nga puwesto gikan sa kapin sa 70 ka internasyonal nga mga team.
Matod ni Judy Ann, labaw pa sa mga kadaugan sa duwa, mas gihatagan niya’g bili ang maayong kinaiya ni Lucho isip anak ug igsoon.
Gipasalig usab nila sa iyang bana nga si Ryan Agoncillo ang ilang walay hunong nga suporta sa pagpadayon ni Lucho sa iyang pangandoy sa football.
