Gibutyag ni House Prosecution Panel Head Congresswoman Gerville Luistro nga bisan pa man gusto nila nga mahuman na, ning adlawa ang pre‑trial conference, magkalisud gihapon sila nga kini mapatuman.
Gumikan kini sa daghang mga dokumento nga kinahanglan nila markahan, ilabe ang Article 1 o ang misuse of confidential funds sa Office of the Vice President ug Department of Education (DepEd).
Namugos si Luistro nga nagsamot ka dugay ang proseso tungod sa managlahi nga markings sa mga dokumento sa prosekusyon ug depensa.
Hisayran nga bisan pa ug isugyot nila nga idungan ang pagbutang sa mga markings sa managsama nga exhibit, daghang mga pagsalikway ang gihimo ang defense team.
