Gipadayag sa mga opisyal sa House of Representatives ang ilang dakong pasalamat sa Korte Suprema sa pagpanalipod ug pagsuporta sa ilang constitutional power taliwala sa mga legal nga hagit.
Namugos si House Prosecution Panel Chief – Rep. Jinky Luistro nga ang Korte Suprema mismo ang nagpahamtang sa pag-ila sa eksklusibong gahum sa Senado isip usab nga Impeachment Court aron mosayod ug modesisyon sa tanang kaso sa impeachment.
Alang kang Luistro usa kini ka maayong balita kay timailhan nga buhi ug naglihok gihapon ang demokrasya ug ang Batakang Balaod sa nasud.
Gumikan sa pagka-dismiss sa tanang petisyon, gipahalipayan sa maong liderato ang katawhang Pilipino sa pagpadayun sa katungdanan sa Kapulongan.
Tungod sa maong hukom, labing gipangandaman karon sa mga piskal ang pagsugod sa pormal nga paglilitis sa Korte sa Impeachment.
Gilauman usab nga mas magpadayon ang ilang pagsilbi ug pagpatuman sa hustisya nga walay gidapigan.
