NATIONAL:Wala pay bag-ong komposisyon sa prosecution panel sa House of Representatives oras nga mu-abante ang impeachment ni Vice President Sara Duterte sa pormal nga hearing sa senado.
Kini ang gitin-aw ni Bicol Saro Partylist representative Terry Ridon sa ilang gipatawag nga press briefing, kaganinang buntag.
Namahayag si Ridon nga usa si Representative Gerville Luistro, Chair sa Committee on Justice, ang posibleng mubarog isip miyembro sa panel ug lauman nga mapagawas nila ang dugang mga pangalan sa musunod nga mga adlaw.
Si Ridon miingon nga posibleng adunay mga bag-ong i-hire nga mga private prosecutors ang ilang han-ay.
Mahinumduman nga una nang milutaw ang mga ngalan nila Representative Ysabel Zamora, Joel Chua, Jonathan Keith Flores, Terry Ridon, Chel Diokno, Leila de Lima, ug Lordan Suan isip kabahin sa prosecution panel, apan dili pa kini pinal. –
