Gipahayag ni Atty. Jojo Lacanilao, usa ka propesor sa abogasiya sa De Salle University, nga bisan pa man nga maayo ug lisud supakon ang mga programa nga gipresenta sa SONA sama sa housing ug pagsulbad sa kontrobersyal nga “power loss” nga gisingil sa mga electric distributor, nagpabilin gihapon ang dako nga pangutana bahin sa oras sa pagpatuman niini.
Iyang gibutyag nga kining mga isyuha dugay na kaayong giatubang ug gihisgutan sa nasud, busa nganong karon lang nga ikapulo o ika-upat na nga tuig sa administrasyon nahimong determinado ang pangulo sa pag-atubang niini. Sa iyang panan-aw, ang kalit nga aksyon ug kaseryoso sa gobyerno nagpakita nga ang Presidente nagsugod na sa pagpangita sa iyang “legacy” o ang mga tangible nga kalampusan nga mahabilin sa iyang ngalan sa dili pa moabot ang sunod nga SONA.
Bisan paman nga takus kini nga palakpakan, gibatikos gihapon sa propesor ang pagkalangan sa paghatag sa direktang solusyon sa mga krisis sa kuryente ug uban pang batakang pangangailangan sa katawhan.
Gitin-aw usab ni Lacanilao nga kinahanglang mas maging paspas ug epektibo ang aksyon sa mga ahensya sa gobyerno sama sa Energy Regulatory Commission (ERC) sa pagprotekta sa mga konsumedo.
